Басып шығару

2015 ж. 09 қазан күні «Мектеп ұстаздарының әлемі» педагогикалық журналының редакция қызметкерлері Қазақстан Республикасы Инвестициялар және даму министрлігі, Байланыс, ақпараттандыру және ақпарат комитетінің қолдауымен «Қазконтент» АҚ «Баспа БАҚ-тың онлайн реадкциялары: мәселелері және даму перспективалары» тақырыбында ұйымдастырған конференциясына қатысты.

Журналдың онлайн редакциясын іске қосып, жүзеге асыру «Қазконтент» АҚ-на тапсырылған болатын. Сайт уақтылы дайындалып, қазіргі уақытта республика ұстаздарына қызмет етуде.

 Басылымның жарыққа шыққанына бір жыл болмаса да, онлайн нұсқасы www.ustazdar-alemi.kz сайты мектеп мұғалімдерінің арасында кең қызығушылық тудыруда.

Осы шығармашылық жұмыстың нәтижесінде біз жоғарыда аталған конференцияда ұйымдастырылған сайыста «Ең үздік онлайн сервис» номинациясын жеңіп алдық.

Басылым қызметінің замани бағытта дамып, жетілуіне ықпал етіп, ынтымақтастық танытып келе жатқан «Қазконтент» АҚ-ның қызметкерлеріне алғысымыз мол.

Басылым редакторы Қайырова С.