Мамыраимова Асель Тоқановна
Алматы облысы Сарқан ауданы Лепсі ауылы К.Ушинский атындағы орта мектебінің қазақ тілі мен әдебиет пәні мұғалімі
Мамандығы: қазақ тілі мен әдебиет пәні мұғалімі Тағдыр... Осы сөзді естігенде, не айтқанда адам жаны белгісіз бір жұмбақ күй кешетіні анық. Адам тағдырымен ойнауға болмайды деп жатады. Неге?! Бұл тұста қазақтың заңғар жазушысы М.Әуезов «Еккенің тікен болса, орғаның балауса болмас» деп нені меңзеді? Астарында не жатыр? Күн
шырақшалары бала алдындағы өз жауапкершілігін сезінуі керек. Ұстаздық ету-талант, адам бойына берілген қасиет. Бұлай дейтінім, бала-біздің болашағымыз. Әрбір ата-ана әлпештеген сәбиін мектепке, яғни, ұстазға табыс етеді. Кешегі жансыз тұрған ғимарат іші бала есігін айқара ашқан күні жан бітіп, түрленіп шыға келеді. Сол мезетте ұстаз тағдыры-бала тағдыры, бала тағдыры-қоғам тағдыры басталады. Бір-бірімен біте қайнасқан шырғалыңы мен шытырманы, қуаныш пен шаттығы мол өмір тізбектеліп кете береді, кете береді... Ұлылардың «Мұғалім - қасиетті де қастерлі мамандық» деген асыл сөздері еріксіз елең еткізіп, ізденісіме қозғау салып, ұстаздық еңбегіне бағыт-баға береді. Мұғалімнің ісі -қасиеті мен құдіреті мол сөз өнері. Сөз-үлкен мұхит. Сөздің ішкі – сыртқы мағынасын шәкірт санасына жеткізіп, өз ана тілінің қаншалықты шешен, сұлу екендігін мойындату, оны аялап-сүюге баулу оңай емес. Сөз өнері, өзінің атында тұрғандай, шәкірт оқиғаны көргенін, сезгенін, қызыққанын, ұққанын, одан қандай әсер алғанын, ойына не түйгенін, қандай тәлім-тәрбие алғанын, бүкіл жан дүниесінде не болып жатқанын сиқырлы қаламмен дәптер бетіне сырлы сөздер арқылы жазып бере алады. Сол жазылған сырдың мәнін ұғып, жан дүниесінде не болып жатқанын танып біліп, дер кезінде қол ұшын бере білсе, кәсіптік шеберліктің нақ көрінетін жері осы. Ұстаз, шәкірт, мектеп бір-бірімен ажыратуға болмайтын атаулар. Әр ұстаз бала жүрегінің пернелерін дәл тауып, оны ойната білу үшін күнделікті қызметте, сабақ өту барысында, сабақтан тыс жұмыстарда бала жүрегін білім мен тәрбиеге баули білуі тиіс. Тілді меңгертуде қазақ тілін тереңдетілген бағдарламамен арнайы оқыту. Ұстаздың басты мақсаты- білім алуға, қоршаған ортаны тануға қызығушылықпен қараған шәкіртке жол көрсету, оқушы ізденісін дамытып, оның шығармашылық тұлғасын қалыптастыру.
Жүктеп алу