Амангалиева Бибигул Таутеновна
Облыстық арнаулы №3 мектеп-интернатының логопеді, Атырау қаласы
5а сыныбы (топтық сабақ)
Мақсаты: Т-Д дыбыстарын ажырату, анық айту. Т-Д дыбыстарын сөз ішінде табу, сөйлем ойлату. Сөздік қорын белсендіру, оқу- жазу сауаттылығын дамыту.
Құралдар мен жабдықтар: суреттер, әріптер, папкалар жинағы
Сабақ жүрісі:
1. Ұйымдастыру
- Сәлеметсіздер му? Сабағымызды бастайық.
- Қазір жылдың қай мезгілі? (Қыс мезгілі)
- Дамир, қыс айларын атай қойшы...
- Қыста ауа-райы қандай болады? (Суық болады)
- Ендеше қолымызды уқалап жылытып алайық (уақ моторикасына жаттығу)
- Содан соң, кәне, бетімізді уқалап, жылытамыз (бетке массаж)
- Жарайсыңдар, жылындық, енді өткен сабақты еске түсірейік. Үйге жаттауға берген жаңылтпашты анық етіп, айтып беріңдер
Дән – Дәулет
Дәулет – дән
Сән – Сәулет
Сәулет – сән. (балардан кезекпен айтқызу, дұрыс анық айтылуын қадағалау)
- Жарайсыңдар, енді, тілімізге, ернімізге жаттығу жасаймыз:
ІІ. Артикуциялық жаттығулар:
Тілге-әлпеншек, тоқылдақ, тіс тазалау
Ерінге- Бегемот, піл, бақа
Тыныс алу – шар үру, а-о-у-и-э созып бір тыныста айту
ІІІ. Дыбыспен жұмыс. Көп нүктенің орнына т, д дыбысын қойып оқы: (тақтаға жазылып қойылады)
Киіміне ...ақ тиіпті. Жұп сан ба, ...ақ сан ба?
...аулы мәселе. ...аулы жер.
Жаңа ...әуір. Науқастанған Диас бүгін ...әуір.
Еліміз ...аму үстінде. Тамшы ...амуын қоймады.
Қыздар ...у күлді. Дариға ...у ұстады.
Абай -...ара тұлға. Шашыңды дұрыс ...ара.
Даладан ...үбір естілді. ...үбір сөзді тап.
ІҮ. ФФҚ «Тыңда, қайтала...»
Дақ – тақ – бақ; тау – бау – дау; ду – бу – ту; тара – қара – дара
Бақ – дақ – тақ бау – дау - тау; бу – ту – ду; қара – дара – тара
Тақ – бақ – дақ; дау – тау – бау; ту – ду – бу; дара – тара – қара
Ү. Сөз қорымен жұмыс. Сөздерден сөйлем құрастыр:
1) мектеп, сабақ, басталды.
2) Диас, сынып, отыр. Дамир, үй тапсырма, орындады.
3) шықты, Бақыткерей, мәтін, жақсы, оқып.
4) Өлең, Шыңғыс, оқыды.
5) мақтады, ұстаз, Марсель. көмектесті, Расул, Гаухар.
6) салды, Нұртілек, сурет, әдемі
ҮІ. Жазу, оқу –
Есту диктанты:
Ардақ, Дариға, Айдын тауда демалды.
Таудың табиғаты тамаша. Олар таңқурай терді.
Таңқурайдың дәмі тіл үйіреді. Тәтті-ақ.
ҮІІ.Үйге жаттауға тапсырма.
Тырау, тырау, тырналар
Қош болыңдар, тырналар.
Мен сияқты баламен
Дос болыңдар, тырналар.
ҮІІІ. Қорытынды. Балалар, біз бүгін қандай дыбыстарды ажыраттық?
